નીતિ આયોગ દ્વારા નિકાસ તૈયારી સૂચકાંક 2022 પ્રકાશિત કરવામાં આવ્યો.

• જેમાં તમિલનાડુ 80.89ના એકંદર સ્કોર સાથે પ્રથમ, મહારાષ્ટ્ર 78.20 સ્કોર સાથે દ્વિતિય અને કર્ણાટક 76.36 સ્કોર સાથે ત્રીજા સ્થાને છે.
• ગુજરાતે 73.22ના સ્કોર સાથે ચોથું સ્થાન મેળવ્યું છે ત્યારબાદ આંધ્ર પ્રદેશ, ઓડિસા, પશ્ચિમ બંગાળ અને કેરળ અનુક્રમે પાંચમા, છઠ્ઠા, સાતમા અને આઠમા ક્રમે હતા.
• પર્વતીય / હિમાલયના રાજ્યોમાં ઉત્તરાખંડ 59.13ના સ્કોર સાથે પ્રથમ ત્યારબાદ હિમાચલ પ્રદેશ, મણિપુર, ત્રિપુરા, સિક્કિમ, નાગાલેન્ડ, મેઘાલય, અરુણાચલ પ્રદેશ અને મિઝોરમ ક્રમમાં છે.
• લેન્ડલોક પ્રદેશોમાં હરિયાણા 63.65 ના સ્કોર સાથે રેન્કિંગમાં ટોચ પર ત્યારબાદ તેલંગાણા, ઉત્તર પ્રદેશ, પંજાબ, મધ્ય પ્રદેશ અને રાજસ્થાન છે.
• કેન્દ્રશાસિત પ્રદેશો/નાના રાજ્યોની શ્રેણીમાં ગોવા 51.58 ના સ્કોર સાથે પ્રથમ ત્યારબાદ જમ્મુ-કાશ્મીર, દિલ્હી, આંદામાન અને નિકોબાર અને લદ્દાખ છે.
• ઉપરાંત આ અહેવાલ મુજબ નિકાસમાં રોકાયેલા 680 જિલ્લાઓમાંથી ટોચના 100 જિલ્લાઓ ભારતમાંથી કુલ નિકાસમાં લગભગ 87% યોગદાન આપે છે.
• આ નિકાસ જિલ્લાઓમાં ગુજરાતના જામનગર પ્રથમ ત્યારબાદ અનુક્રમે સુરત, મુંબઈ ઉપનગર, મુંબઈ, પુણે, ભરૂચ, કાંચીપુરમ, અમદાવાદ, ગૌતમ બુદ્ધ નગર અને બેંગલુરુ અર્બનનો સમાવેશ થાય છે.
• દેશના ટોચના 25 નિકાસ જિલ્લાઓમાં ગુજરાતમાં સૌથી વધુ 8 જિલ્લાઓ છે.
• નિકાસને પ્રોત્સાહન આપવા માટે 647 જિલ્લાઓ દ્વારા જિલ્લા નિકાસ પ્રોત્સાહન સમિતિની રચના કરવામાં આવી છે, જ્યારે 557 જિલ્લા નિકાસ કાર્ય યોજના ઘડવામાં આવી છે.
• નિકાસ તૈયારી સૂચકાંક એ દેશના રાજ્યો અને કેન્દ્રશાસિત પ્રદેશોની નિકાસ સજ્જતાનું વ્યાપક મૂલ્યાંકન છે.
• જે રાજ્યો અને કેન્દ્રશાસિત પ્રદેશોની નિકાસ-સંબંધિત પરિમાણોમાં તેમની શક્તિ અને નબળાઈઓને ઓળખવા માટે વ્યાપક વિશ્લેષણ કરે છે.
• આ સૂચકાંકનો ઉદ્દેશ્ય રાજ્યો અને કેન્દ્રશાસિત પ્રદેશો દ્વારા અનુક્રમણિકામાં તેમની રેન્કિંગ સુધારવા માટે અપનાવવામાં આવેલી સિદ્ધિઓ અને શ્રેષ્ઠ પ્રથાઓને પ્રકાશિત કરવા, રાજ્યો અને કેન્દ્રશાસિત પ્રદેશો વચ્ચે સ્પર્ધાત્મક ભાવના કેળવવી તથા તેમની અને કેન્દ્ર વચ્ચે સહકાર વધારવા માટે, ભારત માટે ટકાઉ વૃદ્ધિ અને વિકાસ કરવાનો છે.