- આ પુરસ્કારમાં ઓડિશા, મધ્યપ્રદેશ, ગુજરાત, બિહાર, આસામ, છત્તીસગઢ, ઝારખંડ, ત્રિપુરા અને પશ્ચિમ બંગાળના નવ સચિવો સહિત કુલ 68 જિલ્લાઓના કલેક્ટરને Digital India Land Records Modernization Programme (DILRMP) ના મુખ્ય ક્ષેત્રોમાં ઉત્કૃષ્ટ કામગીરી માટે એનાયત કરવામાં આવશે.
- લેન્ડ રેકોર્ડ આધુનિકીકરણ કાર્યક્રમનો મુખ્ય ઉદ્દેશ નાગરિકોની સુવિધા માટે આધુનિક, વિગતવાર અને પારદર્શક લેન્ડ રેકોર્ડ મેનેજમેન્ટ સિસ્ટમ વિકસાવવાનો છે.
- છેલ્લા 75 વર્ષમાં પ્રથમ વખત લેન્ડ રેકોર્ડ આધુનિકીકરણ કાર્યક્રમના મુખ્ય ક્ષેત્રોમાં ઉત્કૃષ્ટ કામગીરી માટે ભૂમિ સન્માન એવોર્ડ આપવામાં આવશે.
- ઉલ્લેખનીય છે કે ભૂમિ સન્માન યોજના કેન્દ્ર અને રાજ્યોના વિશ્વાસ અને ભાગીદારી પર આધારિત સહકારી આયોજન છે.
- ગ્રેડિંગ સિસ્ટમ મોટાભાગે જમીનના રેકોર્ડના કોમ્પ્યુટરાઇઝેશન અને ડિજિટાઇઝેશનના મુખ્ય ક્ષેત્રોમાં રાજ્યો અને કેન્દ્રશાસિત પ્રદેશોના અહેવાલો અને મંતવ્યો પર આધારિત છે.
- ડિજિટાઈઝેશન પ્રક્રિયા અને જમીનના રેકોર્ડની નોંધણીથી અદાલતોમાં જમીનના વિવાદોની વિશાળ પેન્ડન્સી ઘટાડવામાં અને અટકેલા પ્રોજેક્ટ્સને કારણે દેશની અર્થવ્યવસ્થાને જીડીપીનું નુકસાન ઘટાડવામાં મદદ મળશે.
