- વડા પ્રધાન નરેન્દ્ર મોદીએ ગયા મહિને તમિલનાડુના થૂથુકુડી જિલ્લાના દરિયાકાંઠાના ગામ કુલશેખરપટ્ટનમમાં ભારતના બીજા અવકાશ બંદરનો શિલાન્યાસ કર્યો હતો.
- 986 કરોડના ખર્ચે બનેલ આ બંદરનો ઉપયોગ ભવિષ્યમાં કોમર્શિયલ, ઓન-ડિમાન્ડ અને નાના સેટેલાઇટ લોન્ચ કરવા માટે કરવામાં આવશે.
- હાલમાં, ભારતીય અવકાશ એજન્સી ઈન્ડિયન સ્પેસ રિસર્ચ ઓર્ગેનાઈઝેશન (ISRO) શ્રીહરિકોટામાં સતીશ ધવન સ્પેસ સેન્ટર (SDSC) ખાતે લોન્ચ પોર્ટ ધરાવે છે.
- લોન્ચિંગના વધારાના દબાણને ઘટાડવા માટે તામિલનાડુમાં બીજું સ્પેસ પોર્ટ બનાવવામાં આવી રહ્યું છે.
- તામિલનાડુ સરકાર દ્વારા કુલશેખરપટ્ટનમ ગામમાં આ બંદર માટે ISROને 2,000 એકર જમીન સંપાદિત કરવામાં આવી છે.
- આ સ્પેસ પોર્ટના નિર્માણ બાદ દર વર્ષે અહીંથી 20-30 SSLV (સ્મોલ સેટેલાઇટ લોન્ચ વ્હીકલ) લોન્ચ કરવામાં આવશે.
- અહીંથી ખાનગી કંપનીઓની સ્પેસ એક્ટિવિટી કરવામાં આવશે.
- ભૌગોલિક, વૈજ્ઞાનિક અને વ્યૂહાત્મક રીતે, તમિલનાડુમાં કુલશેખરપટ્ટનમનું અવકાશ બંદર ઈસરોને ઘણા ફાયદાઓ પ્રદાન કરશે.
- અહીંથી લોન્ચ કરાયેલા સેટેલાઇટને તેના ગંતવ્ય સ્થાન સુધી પહોંચવા માટે ઓછું અંતર કાપવું પડશે અને આ માટે તેને ઓછા ઇંધણની જરૂર પડશે જેથી આ ઉપગ્રહો સાથે વધુ પેલોડ મોકલી શકાશે.
- આંધ્રપ્રદેશના શ્રીહરિકોટાથી માત્ર મોટા અને ભારે મિશન લોન્ચ કરવામાં આવશે, જ્યારે નાના ઉપગ્રહો કુલશેખરપટ્ટનમથી લોન્ચ કરવામાં આવશે.
- ચંદ્ર, શુક્ર અને માનવસહિત ગગનયાન મિશન શ્રીહરિકોટાથી જ લોન્ચ કરવામાં આવશે.
- શ્રીહરિકોટા ચેન્નાઈથી લગભગ 80 કિલોમીટર દૂર છે અને અત્યાર સુધી ISROના તમામ મિશન અહીંથી લોન્ચ કરવામાં આવ્યા છે.
- સ્ટેટિક ટેસ્ટિંગ, લોન્ચ વ્હીકલ ઈન્ટિગ્રેશન ફેસિલિટી, ટેલિમેટ્રી સેવાઓ અને મિશન કંટ્રોલ સેન્ટર જેવી તમામ જરૂરી સુવિધાઓ અહીં ઉપલબ્ધ છે.
- 1 ઓક્ટોબર, 1971 ના રોજ, આંધ્ર પ્રદેશના તટીય વિસ્તાર શ્રીહરિકોટામાં સ્પેસ પોર્ટની સ્થાપના કરવામાં આવી.
