- આ અભિયાનનો પ્રારંભ મુખ્યમંત્રી ભૂપેન્દ્ર પટેલે સિવિલ હોસ્પિટલ, ગાંધીનગરથી કર્યો છે.
- આ અભિયાન હેઠળ 30 થી વધુ ઉંમર ધરાવતી વ્યક્તિઓની ઘેર ઘેર જઇ દૃષ્ટિ તપાસ કરી અને જો મોતિયાના ઓપરેશનની જરુર હોય તો તેઓને શસ્ત્રક્રિયા પુરી પાડવાનો ઉદેશ્ય છે.
- આ ઝુંબેશ દ્વારા જેઓને બન્ને આંખે મોતિયો હોય એટલે કે જેઓની દૃષ્ટિ બન્ને આંખે 3 મીટર કરતા પણ ઓછી હોય તેવા તમામ વ્યક્તિઓને સરકારી અને રજિસ્ટર્ડ સ્વૈચ્છિક સંસ્થા ખાતે મોતિયાનું વિનામૂલ્યે ઓપરેશન કરી અપાશે.
- મોતિયાની અસર સામાન્ય રીતે 50 વર્ષ બાદ થતી હોય છે જેને લીધે દૃષ્ટિમાં ઝાંખપ આવી જાય છે આવી તકલીફને એક સરળ શસ્ત્રક્રિયા દ્વારા નેત્રણી મુકીને દૃષ્ટિ પરત મેળવવામાં આવે છે.
- મોતિયાના લીધે થતું અંધત્વ 36% જેટલું હોય છે બાકીના કારણોમાં ચશ્માના નંબર, ઝામર, ત્રાસી આંખ, કીકીના રોગ, ડાયબિટીક રેટિનોપેથી વગેરે હોય છે.
- છેલ્લા 10 વર્ષમાં ગુજરાતમાં વાર્ષિક સરેરાશ 7 લાખ મોતિયાના ઓપરેશન કરવામાં આવે છે.
- ગુજરાત પ્રતિ 10 લાખ લોકોની વસ્તીએ 1000થી વધુ મોતિયાના ઓપરેશનનો દર હાંસલ કરનાર રાજ્ય પણ છે.
- મોતિયા માટેની આધુનિક પદ્ધતિ ફેકો ઇમલ્સીફિકેશન પણ લગભગ બધા રાજ્યોમાં ઉપલબ્ધ છે.
- ગુજરાત એકમાત્ર એવુ રાજ્ય છે જે હાઇડ્રોફોબીક ઇન્ટ્રા ઓક્યુલર લેન્ચ વિનામૂલ્યે આપે છે.
