- તેઓ બોલિવૂડના જાણીતા સંગીતકાર, ગાયક અને પ્રોડ્યુસર હતા.
- તેમનું મૂળ નામ અલોકેશ લાહિરી હતું પરંતુ તેઓ બપ્પી લાહિરી તરીકે જ ઓળખાતા હતા.
- તેઓએ હિંદી ફિલ્મોમાં સિન્થેસાઇઝ્ડ ડિસ્કોને પ્રસિદ્ધ કર્યું હતું.
- તેઓએ 1980-90ના દાયકામાં અનેક હિટ સંગીત આપ્યા હતા જેમાં વારદાત, ડિસ્કો ડાન્સર, નમક હલાલ, શરાબી, નયા કદમ, બેવફાઇ, ઇન્સાફ મે કરુંગા, ડાન્સ ડાન્સ, કમાંડો, રામ અવતાર સહિતની ફિલ્મનો સમાવેશ થાય છે.
- તેઓએ હિંદી સિવાય અનેક બંગાળી, તેલુગુ, તમિલ, કન્ન્ડ અને ગુજરાતી ફિલ્મોમાં પણ સંગીત આપ્યું હતું.
- તેઓએ વર્ષ 1977ની જન્મ જન્મ ના સાથ નામની ગુજરાતી ફિલ્મમાં સંગીત આપ્યું હતું.
- છેલ્લે તેઓએ વર્ષ 2020માં 'શુભ મંગલ ઝ્યાદા સાવધાન', 'બાગી-3' અને 'ડિસ્કો રાજા'માં સંગીત આપ્યું હતું.
- તેઓ કમ્પોઝર અને ગાયિકી સિવાય તબલા, પિયાનો, ડ્રમ, ગિટાર, સેક્સોફોન, બોંગો અને ઢોલક જેવા વાદ્યો પણ વગાડી શકતા હતા.
- વર્ષ 2014માં તેઓએ ભારતીય જનતા પાર્ટી જોઇન કરી હતી અને લોકસભા ચુંટણીમાં પશ્ચિમ બંગાળના શ્રીરામપુર ખાતેથી ઉમેદવારી નોંધાવી હતી જેમાં વિજયી થઇ શક્યા નહોતા.
- તેઓને પોતાની ફિલ્મ શરાબી (1985) માટે ફિલ્મ ફેર એવોર્ડ અપાયો હતો.
- વર્ષ 2018માં તેઓને ફિલ્મફેર લાઇફટાઇમ અચિવમેન્ટ એવોર્ડ અપાયો હતો.
