વડા પ્રધાન નરેન્દ્ર મોદી દ્વારા દ્વારકા એક્સપ્રેસવેના હરિયાણા વિભાગનું ઉદ્ઘાટન કરવામાં આવ્યું.

• આ એકસપ્રેસ વે ના કારણે ટ્રાફિકના પ્રવાહમાં સુધારો થશે અને રાષ્ટ્રીય ધોરીમાર્ગ-48 પર દિલ્હી અને ગુરુગ્રામ વચ્ચે પરિવહન સરળ બનશે.
• દ્વારકા એક્સપ્રેસ વેની કુલ લંબાઈ 29 કિમી છે, જેમાંથી 18.9 કિમી હરિયાણામાં આવે છે, જ્યારે બાકીનો 10.1 કિમી દિલ્હીમાં છે. 
• 9 માર્ચ, 2019 ના રોજ, તત્કાલિન કેન્દ્રીય પ્રધાનો સુષ્મા સ્વરાજ, અરુણ જેટલી અને નીતિન ગડકરી દ્વારા દ્વારકા એક્સપ્રેસ વેનો શિલાન્યાસ કરવામાં આવ્યો હતો.
• કેન્દ્રની રૂ. 60,000 કરોડની હાઇવે ડેવલપમેન્ટ યોજના હેઠળ આઠ લેનનો દ્વારકા એક્સપ્રેસવે રૂ. 9,000 કરોડના અંદાજિત ખર્ચે બાંધવામાં આવી રહ્યો છે.
• દ્વારકા એક્સપ્રેસ વેનો 19 કિલોમીટર લાંબો 'હરિયાણા સેક્શન' લગભગ 4,100 કરોડ રૂપિયાના ખર્ચે બનાવવામાં આવ્યો છે.
• આ વિભાગ હેઠળ બે પેકેજ સામેલ છે.  પ્રથમ પેકેજ દિલ્હી-હરિયાણા બોર્ડરથી બસાઈ રેલ-ઓવર-બ્રિજ (ROB) સુધીના 10.2 કિમી લાંબા રસ્તાને આવરી લે છે.  બીજા પેકેજ હેઠળ, બસાઈ રેલ-ઓવર-બ્રિજથી ખેરકી દૌલા સુધીનો 8.7 કિલોમીટર લાંબો રસ્તો છે.  તે દિલ્હીના ઈન્દિરા ગાંધી ઈન્ટરનેશનલ એરપોર્ટ અને ગુરુગ્રામ બાયપાસને પણ સીધી કનેક્ટિવિટી પ્રદાન કરશે.