- તેલુગુ દેશમ પાર્ટી (ટીડીપી)ના સુપ્રીમો ચંદ્રાબાબુ નાયડુ આંધ્રપ્રદેશના 24મા મુખ્યમંત્રી બન્યા.
- વિજયવાડાના કેસરપલ્લી આઈટી પાર્કમાં રાજ્યપાલ અબ્દુલ નઝીરે મુખ્યમંત્રી અને મંત્રીઓને શપથ લેવડાવ્યા.
- તેઓના નામે રાજ્યમાં સૌથી વધુ વખત મુખ્યમંત્રી બનવાનો રેકોર્ડ છે.
- જનસેનાના વડા અને અભિનેતા પવન કલ્યાણે નાયબ મુખ્યમંત્રી તરીકે શપથ લીધા.
- નવી સરકારમાં સીએમ અને ડેપ્યુટી સીએમ સહિત 25 સભ્યો હશે.
- આંધ્રપ્રદેશમાં 4 જૂને લોકસભા ચૂંટણીની સાથે વિધાનસભા ચૂંટણીના પરિણામો જાહેર કરવામાં આવ્યા હતા જેમાં NDAએ વિધાનસભાની 175માંથી 164 બેઠકો જીતી છે જેમાં નાયડુની ટીડીપીને 135, પવન કલ્યાણની જનસેનાને 21 અને ભાજપને 8 બેઠકો મળી હતી.
- નવી સરકારમાં મંત્રીઓની યાદીમાં પછાત વર્ગના 8, અનુસૂચિત જાતિના 3 અને અનુસૂચિત જનજાતિમાંથી 1નો સમાવેશ થાય છે.
