- ગુજરાત રાજ્ય સરકાર દ્વારા દ્વિભાષી એટલે કે બે ભાષાઓમાં એકસાથે શિક્ષણ આપી શકાય તે માટે મંજૂરી અપાયા બાદ આ પ્રકારનો કન્સેપ્ટ શરુ કરવામાં આવશે.
- આ માટે સુરતની 29 શાળાઓમાં પ્રથમ તબક્કામાં દ્વિભાષી માધ્યમમાં શાળાઓ શરુ કરવામાં આવી હતી.
- આ પ્રયોગ સફળ રહેતા હવે અમદાવાદમાં આ પ્રકારની કુલ 30 શાળાઓ શરુ કરાશે.
- દ્વિભાષી માધ્યમની મુખ્ય જોગવાઇમાં ગણિત અને વિજ્ઞાન વિષયને દ્વિભાષી માધ્યમમાં ભણાવવાનું છે.
- આ સિવાય આ પદ્ધતિમાં અંગ્રેજી વિષય શિક્ષણની ગુણવત્તા શરુઆતથી જ સુધારવી તેમજ Listening, Speaking, Reading અને Writing એ ક્રમમાં જ અંગ્રેજી શિખવવું નો સમાવેશ થાય છે.
- ધોરણ 1 અને 2 માં માત્ર સાંભળવા અને બોલવા પર જ ભાર અપાશે ત્યારબાદના ધોરણોમાં વાંચવા અને લખવાનું શરુ કરાવાશે.
- અન્ય વિષયો જેવા કે ગુજરાતી, સમાજવિદ્યા અને ભાષાને ગુજરાતી માધ્યમમાં જ ભણાવવામાં આવશે.