- આ માટે કેન્દ્રીય ગૃહ મંત્રાલય દ્વારા ઇ-ઇમરજન્સી X-Misc વિઝા અંગેના દિશાનિર્દેશ પ્રસિદ્ધ કરવામાં આવ્યા છે.
- માર્ચ, 2020માં આ તમામ વિઝાને સસ્પેન્ડ કરવામાં આવ્યા હતા.
- આ નિર્ણય બાદ 156 દેશોના નાગરિકો માટે પાંચ વર્ષની મુદ્દતના ટૂરિસ્ટ વિઝા ફરી શરુ કરી દેવાયા છે.
- સાથોસાથ અમેરિકા અને જાપાનના નાગરિકો માટે લાંબી મુદ્દત (10 વર્ષ)ના પેપર વિઝાની સુવિધા પણ ફરી શરુ કરવામાં આવી છે.
- આ નિર્ણયમાં અફઘાનિસ્તાનને બાકાત રાખવામાં આવ્યું છે જેથી આ નિર્ણયની અસર અફઘાનિસ્તાન પર નહી પડે.
- આ રીતે ભારતમાં પ્રવેશ કરવા ઇચ્છતા નાગરિકો નિર્ધારિત ઇમિગ્રેશન ચેક પોસ્ટ્સ અથવા એરપોર્ટ થકી જ અથવા વંદે ભારત મિશન / એર બબલ સ્કીમ હેઠળ જ પ્રવેશ કરી શકશે તેમજ કોઇપણ સંજોગોમાં જમીન સરહદ અથવા નદીના માર્ગે પ્રવેશ નહી કરી શકે.
- ઉલ્લેખનીય છે કે ભારતના નાગરિકો 59 દેશોમાં કોઇપણ પ્રકારના વિઝા વિના પ્રવેશ કરી શકે છે.
- આવા દેશોમાં ઇરાન, જોર્ડન, કતાર, બ્રિટિશ વર્જિન આઇલેન્ડ, માલદીવ, ટ્યૂનિશિયા, ભૂતાન, કંબોડિયા, ઇન્ડોનેશિયા, મ્યાનમાર, નેપાળ, થાઇલેન્ડ, બોત્સવાના, મોરેશિયસ, શ્રીલંકા, સોમાલિયા, યુગાન્ડા, ઓમાન, ઝિમ્બાબ્વે સહિતના દેશોનો સમાવેશ થાય છે.
