- United Nations (UN) ના 192 સભ્ય દેશો દ્વારા વર્ષ 2030ના એજન્ડાના ભાગરુપે નક્કી કરાયેલ ટકાઉ વિકાસ (Sustainable Development Goals) ના 17 લક્ષ્યાંકો નક્કી કરાયા હતા.
- યુએનના આ ટકાઉ વિકાસના લક્ષ્યોમાં ભારત 120માં ક્રમ પર પહોંચ્યું છે.
- અગાઉ ભારતનો રેન્ક 117 હતો જેમાં ત્રણ ક્રમનું નુકસાન થયું છે.
- નવા રેન્કિંગ મુજબ ભારત દક્ષિણ એશિયામાં ફક્ત પાકિસ્તાનથી જ આગળ છે જેનો રેન્ક 129 છે.
- આ રેન્કિંગમાં અન્ય દેશોમાં ભૂતાન 75, શ્રીલંકા 87, નેપાળ 96 અને બાંગ્લાદેશ 109માં ક્રમ પર છે.
- આ રેન્કિંગમાં ભારતનો સ્કોર 100 માંથી 66 રહ્યો છે.
- તાજેતરમાં જ કેન્દ્રીય પર્યાવરણ મંત્રાલય દ્વારા પ્રસિદ્ધ કરાયેલ Center for Science & Environment ના "State of India's Environment Report 2022" માં પણ ભારતનો ક્રમ 11 SDGમાં રહેલા મોટા પડકારોને લીધે ગગડ્યો છે.
- વર્ષ 2030 સુધીમાં આ ગોલ્સને પ્રાપ્ત કરવાની સજ્જતા અંગેના રિપોર્ટમાં બિહાર અને ઝારખંડ સૌથી ઓછા સજ્જ હોવાનું જણાવાયું છે.
- આ બાબતે સૌથી આગળ કેરળ છે ત્યારબાદ તમિલનાડુ અને હિમાચલ પ્રદેશ સંયુક્તરુપે બીજા ક્રમ પર તેમજ ગોવા, કર્ણાટક, આંધ્ર પ્રદેશ અને ઉત્તરાખંડ સંયુક્તરુપે ત્રીજા ક્રમ પર છે.
