- વર્ષ1947માં ભારત બ્રિટિશ સરકારથી આઝાદ થયું હતું.
- આ આઝાદી ભારતને ધાર્મિક આધાર પર વિભાજિત કરીને આપવામાં આવી હતી જેને પગલે ભારત અને પાકિસ્તાન એમ બે રાષ્ટ્રોના સર્જન થયા હતા.
- આઝાદી પહેલાના 14 ઑગષ્ટના દિવસને ગયા વર્ષે જ ભારત સરકાર દ્વારા 'વિભાજન વિભીષિકા સ્મૃતિ દિવસ' તરીકે જાહેર કરાયો હતો જે દિવસે ભારત અને પાકિસ્તાનના ભાગલા દરમિયાન લાખો લોકોના મૃત્યું થયા હતા.
- 15મી ઑગષ્ટ એ ભારતનો રાષ્ટ્રીય તહેવાર છે.
- ઉલ્લેખનીય છે કે 15 ઑગષ્ટ, 1947 પહેલા પણ ભારતમાં 1929માં લાહોર ખાતે ભારતીય રાષ્ટ્રીય કોંગ્રેસે પૂર્ણ સ્વરાજની ઘોંષણા કરીને 26 જાન્યુઆરીને ગણતંત્ર દિવસ ઘોષિત કર્યો હતો.
- કોંગ્રેસ દ્વારા 1930 થી 1950 સુધી 26 જાન્યુઆરીને ગણતંત્ર દિવસ તરીકે મનાવાયો હતો.
- ઉલ્લેખનીય છે કે ભારત સરકાર દ્વારા ગયા વર્ષે 75માં સ્વાતંત્રતા દિવસથી એક વર્ષ સુધી 'આઝાદી કા અમૃત મહોત્સવ' હેઠળ સમગ્ર દેશમાં વિવિધ કાર્યક્રમો યોજવામાં આવ્યા હતા.
