ઈઝરાયેલના વડપ્રધાન દ્વારા કતારના મીડિયા હાઉસ પર પ્રતિબંધ મૂકવામાં આવ્યો.

• ઇઝરાયેલ પોલીસે અલજઝીરાની ઓફિસ પર પણ દરોડા પાડ્યા હતા. કેમેરા સહિત અનેક વસ્તુઓ જપ્ત કરવામાં આવી છે.
• ઇઝરાયેલમાં જેરૂસલેમની એમ્બેસેડર હોટલમાં અલજઝીરાની ઓફિસ છે.
• હમાસ યુદ્ધ પર ચેનલના રિપોર્ટિંગથી અસંતોષના કારણે ઈઝરાયેલ સરકાર દ્વારા આ નિર્ણય લેવામાં આવ્યો.
• ઉલ્લેખનીય છે કે ઇઝરાયેલના પ્રધાનમંત્રી બેન્જામિન નેતન્યાહુ છેલ્લા એક મહિનાથી અલ જઝીરા પર પ્રતિબંધ લગાવવાની તૈયારી કરી રહ્યા હતા પરંતુ આ માટે ઇઝરાયેલની સંસદની મંજૂરી જરૂરી હતી.
• આથી તેઓએ પહેલા સંસદમાં વરિષ્ઠ મંત્રીઓની મદદથી એક બિલ પાસ કરાવ્યું જેથી અલ જઝીરા નેટવર્કને બંધ કરી શકાય.
• સરકાર દ્વારા 31 જુલાઈ સુધી ચેનલ પર પ્રતિબંધ લગાવવામાં આવ્યો.
• આ પ્રતિબંધને વધુ લંબાવવા માટે ફરીથી સંસદની મંજૂરીની જરૂર પડશે.
• નવી ચેનલ 15 નવેમ્બર 2006ના અલ જઝીરા અંગ્રેજી નામથી શરૂ કરવામાં આવી હતી અને તેનું મુખ્ય મથક દોહા, કતારમાં છે.