- હિમાચલ પ્રદેશની અર્થવ્યવસ્થા મોટાભાગે કૃષિ અને પશુપાલન પર આધારિત જેમાં આશરે 4.41 મિલિયનની પશુધનની વસ્તી સાથે, તેમની સંભાળ એ દરેક ગ્રામીણ પરિવારનો આવશ્યક ભાગ છે.
- આથી તેમના માટે, રાજ્ય સરકાર દ્વારા 'સંજીવની' નામનો પ્રોજેક્ટ શરૂ કરવામાં આવ્યો જે નાના ડેરી ખેડૂતો અને પશુપાલકોની આજીવિકાને સશક્ત બનાવવામાં મદદ કરશે.
- આ પ્રોજેક્ટ હેઠળ ખેડૂતોને તેમના ઘરઆંગણે પશુધન માટે અનુકૂળ અને ગુણવત્તાયુક્ત સંભાળ પૂરી પાડવામાં આવશે.
- આ પ્રોજેક્ટ માટે પશુપાલન વિભાગ દ્વારા ઇન્ડસઇન્ડ બેંકની પેટાકંપની, ભારત ફાઇનાન્સિયલ ઇન્ક્લુઝન લિમિટેડ (BFIL) સાથે સહયોગ પર હસ્તાક્ષર કરવામાં આવ્યા.
- આ યોજના હેઠળ નેશનલ એનિમલ ડિસીઝ કંટ્રોલ પ્રોગ્રામ- મોબાઈલ વેટરનરી વાન (NADCP-AHD-MVU) માત્ર એક ફોન કોલ સાથે ડોર-ટુ-ડોર પશુ સંભાળમાં મદદ કરશે. આ માટેનો ટોલ ફ્રી ટેલિફોન નંબર ટૂંક સમયમાં કાર્યરત થશે.
- આ યોજના માટે તમામ 12 જિલ્લાના 44 બ્લોકમાં ખેડૂતોના ઘરઆંગણે પશુ ચિકિત્સા સેવાઓ ઉપલબ્ધ કરાવવામાં આવશે.
- પશુપાલન નિયામકની કચેરી ખાતે કેન્દ્રીયકૃત કોલ સેન્ટરને 44 મોબાઈલ વેટરનરી એમ્બ્યુલન્સ સાથે સંકલિત કરવામાં આવશે.
