વર્લ્ડ બેંક દ્વારા બાંગ્લાદેશ સરકાર સાથે દક્ષિણ એશિયામાં તેનો પ્રથમ સમર્પિત માર્ગ સલામતી પ્રોજેક્ટ શરૂ કરવામાં આવ્યો.

• આ પ્રોજેક્ટ ઢાકામાં USD 358 મિલિયન ધિરાણ કરાર સાથે શરૂ કરવામાં આવ્યો.
• આ પ્રોજેક્ટ માર્ગ સલામતીમાં સુધારો કરવા અને પસંદગીના શહેરો, ઉચ્ચ જોખમવાળા ધોરીમાર્ગો અને જિલ્લા માર્ગો પર માર્ગ અકસ્માતોથી થતી જાનહાનિ અને ઇજાઓને ઘટાડવા માટે પ્રયાસ કરશે.
• આ પ્રોજેક્ટ બાંગ્લાદેશના બે રાષ્ટ્રીય ધોરીમાર્ગો, ગાઝીપુર-એલેંગા (N4) અને નાટોર-નવાબગંજ (N6),માં હાથ ધરવામાં આવશે.  
• આ પ્રોજેક્ટ આ બે હાઇવે પર રોડ ટ્રાફિકથી થતા મૃત્યુને 30 ટકાથી વધુ ઘટાડવામાં મદદ કરશે અને આ પ્રોજેક્ટ હેઠળ અકસ્માતો અને જાનહાનિ ઘટાડવા માટે બાંગ્લાદેશના પાંચ વિભાગો, ઢાકા, ખુલના, રાજશાહી, રંગપુર અને મૈમનસિંઘમાંથી પસાર થતા બે હાઈવે પર રોડ ચિહ્નો, ડિવાઈડર, ફૂટપાથ, ઝેબ્રા ક્રોસિંગ, સ્પીડ બ્રેકર અને બસ બેઝ બનાવવામાં આવશે. 
• આ પ્રોજેક્ટ હેઠળ એમ્બ્યુલન્સ સેવાઓ શરૂ કરવામાં આવશે જેમાં બાઇક-એમ્બ્યુલન્સનો સમાવેશ થાય છે, જેમાં ટોલ-ફ્રી નંબર સાથે રોડ અકસ્માતનો ભોગ બનેલા લોકોને ઝડપથી હોસ્પિટલ પહોંચાડવામાં આવશે.