રાજસ્થાન સરકાર દ્વારા માનગઢ ધામને રાષ્ટ્રીય સ્મારક તરીકે વિકસાવવા માટે મંજૂરી આપવામાં આવી.

• રાજસ્થાન સરકાર દ્વારા બાંસવાડાના પ્રસિદ્ધ સ્મારક અને સમાજ સુધારક ગોવિંદ ગુરુના પૂજા સ્થળ માનગઢ ધામને રાષ્ટ્રીય સ્મારક તરીકે વિકસાવવામાં આવશે.
• 9 ઓગસ્ટ, 2023 વિશ્વ આદિવાસી દિવસના રોજ માનગઢ ધામને રાષ્ટ્રીય સ્મારક તરીકે વિકસાવવાની અને રૂ. 100 કરોડના ખર્ચે વિકાસ કાર્ય કરાવવાની જાહેરાત કરવામાં આવી હતી તેને મંજૂરી આપવામાં આવી.
• માનગઢ ધામ ગુજરાત અને રાજસ્થાનની સરહદ પર એક ટેકરી પર આવેલું છે જ્યાં વર્ષ 1913માં ગોવિંદ ગુરુ મહારાજ તેમના ભક્તો સાથે માનગઢ ધામમાં આંદોલન કરી રહ્યા હતા, ત્યારે બ્રિટિશ સરકારે બધા પર હુમલો કર્યો હતો અને આ હત્યાકાંડમાં આદિવાસી સમાજના 1500 થી વધુ ભાઈઓ અને બહેનો શહીદ થયા હતા.
• આથી  માનગઢ ધામને રાજસ્થાનના જલિયાવાલા બાગ હત્યાકાંડ તરીકે પણ જોવામાં આવે છે અને અહીં દર વર્ષે 17મી નવેમ્બરે એક કાર્યક્રમ યોજવામાં આવે છે અને શહીદ થયેલા લોકોને સન્માનિત કરવામાં આવે છે.